شعر طنز ترکی از آمدن عید با مشکلات اقتصادی اش

به گزارش صدای سراب, استاد مهدی نجفلو بداهه ای را به مناسبت عید نوروز سروده که تقدیم می شود.

با یرام گلیر

یابن الحسن بو ملته بیر شاد خبر گتیر
اولسونلا بلکه غصه دن ازاد خبر گتیر

خرج و مخارجین یتیرنمیر بیر عده لر
بایرام یتیشدی آغزی دولی داد خبر گتیر

انصافیدن اثر بو جماعتده قالمیوب
دنیانی دولدوروب داخی بیداد . خبر گتیر

یوخدور بیر ال دوتان فقرا دن آماندی گل
ائیله اوزون جماعته امداد . خبر گتیر

دولتدیلر بو گون ضعفانین قانین سورور
وجدانیدنده قالمیوب هیچ زاد. خبر گتیر

تاجر وئریبدور انبارا جنسین گران ائده
پولدور بیر عده پولدارا هر زاد. خبر گتیر

دولتده پوللو لاردان حمایت ائدور داخی
سرقتده اولدو چوخلاری استاد. خبر گتیر

یوخسولارین امیدی بیر الله دی بیرده سن
گیزلینده چوخلار ائلوری فریاد . خبر گتیر

بو روزگاردا دوستیلا دشمن تانینمیور
باطینده دوسلار اولدولا شیّاد خبر گتیر

دوسلوغ آدیلا چکدیله چوخلاری ائتدیلر
تریاک و بنگ و شیشیه معتاد. خبر گتیر

بسدی (نجفلو) قافیه تنگ اولدی راضی اول
سندن ده قالسا گر قوری بیر آد . خبر گتیر