شعر اجتماعی فوق العاده زیبای گلایه از شب چله/ شعری زیبا از استادمهدی نجفلو که داعش, برجام, یارانه , کارتن خواب ها, بیکاری, بدعهدی آمریکا و …را با موضوع چله با هنرمندی آمیخته است

شب چله
??????

ایتدون کچن ایل  اوزلری  قاره  شب چله
بیز ایسته میروک  گلمه دوباره شب چله
?
ایش یوخدی گنه جیبلری بوشدی فقرانین
یارانه سینی  قطع ایلیوبلر           شعرانین
قالخیزما گویه خلقین اخیر داد و فغانین

ویرما  بو  یانان دیللره   یاره       شب چله
بیز ایسته میروک گلمه دوباره  شب چله
?
بیر قارپیزین اوسته چکیر ال ویرچی قانیندا
ارواد دیه جک ال کیشی لاپ چیخسا جانیندا
فهله ساتاجاخ قارپیزا خاطیر   طومانیندا

بیچاره کاسیب تاپموری چاره  شب چله
بیز ایسته میروک گلمه دوباره   شب چله
?
ال چکسه له بیر قارپیزیلان خوشدی ادامدان
سیماده ولی گورسه ده جک پسته بادامدان
راضی اولور انسان چیخا لاپ اپولا دامدان

قول قیچ سینا پاچه اولا پاره   شب چله
بیز ایسته میروک گلمه دوباره شب چله
?
بیر گون یغیشاردی هامی بیر کرسی باشیندا
دنیا  بوئی  داد دوز واریدی  تندیر اشیندا
خیر و برکت   کندین   او ایستی  لاواشیندا

بیر یادوه سال  ایتدیم اشاره   شب چله
بیز ایسته میروک گلمه دوباره   شب چله
?
بیر گون واریدی خلقده   انصاف  و کرامت
ملت هامیسی  اهل  عمل   اهل سخاوت
ایلردی  هامی بیر بیرین هر ایشده حمایت

اخمازدی  کیمون اشگی  عذاره شب چله
بیز ایسته میروک  گلمه دوباره شب چله
?
اوندا یوخودی بیر بله  ملتده       افا ده
الله  سون انسانلاریدی  هامیسی  ساده
شادلیق واریدی خلقده حدن ده زیاده

باخمازدی بیری  دار  و نداره  شب چله
بیز ایسته میروک  گلمه دوباره  شب چله
?
ایشلر دولانیب قیردی بیر عده ولی بندی
بیت المالینان  الدی  بو گون شاستی بلندی
بوینون ایله دیک ساخلوری چون گاو هلندی

باخمور نه خجالت نده عاره  شب چله
بیز ایسته میروک گلمه دوباره شب چله
?
تدبیریله دولی ایلیور خلقین حسابین
دوندردی اشا  فهله نین اغزیندا کبابین
چکدی یوخاری قیمتینی برقیله ابین

گلدی یارا اوستن ویرا یاره  شب چله
بیز ایسته میروک گلمه دوباره شب چله

بیر عده لرین یوخدی دامی قالدی دام اتدا
قسطیلا الیب بعضیسی  جان ویردی وام اتدا
الله  یارادوبدور منی دائم قالام اتدا

حسرت اولام  المایه اناره شب چله
بیز ایسته میروک گلمه دوباره شب چله

معتاد اولوب از بس کی بکار قالدی جوانلار
واردور  یری بو غصه دن اولسونله  قانانلار
بد بخت اولوب از چوخ بو یازیخ خلقه یانانلار

خلقی تالیان چیخدی گذاره  شب چله
بیز ایسته میروک گلمه دوباره  شب چله

میدان ایله تنگ اولدی  بو دورانیده مرده
غیرتلی دلاور کشیلر دوشدوله  درده
مجبوریدی  اوز شعرینه  شاعر چکه پرده

ایستور چیخا گر فصل بهاره  شب چله
بیز ایسته میروک گلمه دوباره شب چله

تحریملری  تمدید ایده گر کشور قولدور
تشویق ایله خلقین قولاغین  شوقیله دولدور
بیت المالی جمع ایله یکه جیبلری دولدور
دیلنسه بیری  توت کیشی سقالینی یولدور

اد  قوی دینه دونموشدی حماره شب چله
بیز ایته میروک گلمه دوباره شب چله

پول ویر شعرا بعضیلرین باشینی قاتسین
لای لای دیسون اشعاریله ملت هله یاتسین
قوی باتسادا نیلر شهدانین قانی باتسین
انجاق نه اولورسا بو ریاست سنه چاتسین

باخما نه  صغاره  نه کباره  شب چله
بیز ایسته میروک گلمه دوباره شب چله

هر کس سوزوه باخماسا ویر اتدا جیریلسین
لازمدی مطیع اولماغا بیر عده ویریلسین
بیر عده گونه چیخماغا بیر عده قیریلسین

اباد اولا قوی دارالعماره  شب جله
بیز ایسته میروک گلمه دوباره شب چله

بیر بیله فقیری دیگوروم نیلیه جکسن
هاردان گتیروب قارنینی سیر ایلیه جکسن؟
قوی شاختا ویروب پیلیه  سن پیلیه جکسن؟

یاز قاتل اولوب بلکه بولاره شب چله
بیز ایسته میروک گلمه دوباره شب چله

حیران قالیب انسانلارا الان داخی شیطان
گورمز بله بیر ایشلری وحشی اولان حیوان
بیر بیله قیرور بیر بیرینی  ظلمیله  انسان

داعشلرین اولسون اوزی قاره شب چله
بیز ایسته میروک گلمه دوباره شب چله

یلدا گجه سی بیزلره بایرام اولا بیلمز
هیچ دوره ده انسان بله بد نام اولا بیلمز
عاقل ادامین  فکری دا ارام   اولا بیلمز

دوندردیله خوش جنتی  ناره شب چله
بیز ایسته میروک گلمه دوباره شب چله

فعلا هله ایراندا دا کارتن خوابیمیز وار
داشداندی اورکلر ؟ بله صبر و تابیمیز وار
نیلر کسیه بوت خانما چارشابیمیز وار

شاعر ایله مه دردی شماره شب چله
بیز ایسته میروک گلمه دوباره شب چله

موجر قویوری مستجرین چولده اساسین
مسجدده اوتانمیر اوخویور صوتیله یاسین
شیطاندا باشارمور بولارین ریب و ریاسین

اباد ایلیور یاخشی مناره  شب چله
بیز ایسته میروک گلمه دوباره شب چله

غم غصه باسیب  قلب جماعت دولی قاندی
بیر اوت  داراشیب ایرانا  مردم  هامی  یاندی
برجامیله   اذوقه ده  هر گون     باهالاندی

ایستور چکه  بیر عده نی  داره شب چله
بیز ایسته میروک گلمه دوباره شب چله
?
ققنوس ویره جک جایزه بیر عده فقیره
شاید چیخا اوندان بیریده  بلکه حقیره
ایستوله گمانم یاخالار باشیمه شیره

چوخلار امود اولدی بو قماره شب چله
بیز ایسته میروک گلمه دوباره شب چله
?
صبر ایله  نجفلو  کیشی بیر بیله چالشما
ایشلر دوزه لر ای بالا اوت توتما الشما
لال اول کوپنیندن یوخاری دینمه دانشما

فکر ایله یازیخ  شام و ناهاره  شب چله
بیز ایسته میروک گلمه دوباره شب چله