شعری در وصف مرد شعار سراب به مناسبت رحلت این پیرمرد بصیر

ائدوب ” سراب” دا ، بوگون بیر بویوک کیشی رحلت
او مرد الهی، آدی بیگلر اوغلی قدرت

دیانتین ائده توصیف ، خامه عاجزدی
واریدی اوندا دویونجا کمال و حسن و صداقت

اگرچه مدرک تحصیلی سی دگولدی یوخاری
و لیک پورفسوریجاخ واریدی اوندا بصیرت

اگر چه ظاهره مردم باخوب دیلله شریفدور
اونون وجودی شریفیدی ،حق شرافت

نظام وانقلابا پایبندی دور بی غش
ریا گورونمزیدی اوندا ، مظهر غیرت

ائدردی امر به معروف بی ریا او کیشی
یوخیدی قورخوسی کسدن ، واریدی اوندا شجاعت

یوخیدی خوف ، کیمسه دن اولسیدی صاحب قدرت
خلوص نیتیلن ، حقَ دن ائدردی حمایت

حمیتی واریدی حامیان دین خدایه
خدا بیلور کی نقدری واریدی اوندا شهامت

“سراب” دا اولمیشیدی شهرتی وزیر شعار
و لیک شعوریله سوز دانیشاردی به جرات

فضایلینده اگر بیر کتاب یازام کم دی
واریدی واللهی اوندا ، کمال و علم و فضیلت

“ابوذر ” یدی ” سرابین ” نه حییف تئز گتدی
چتین گلر سارابا بیرده مثل حاجی قدرت

حاج جعفر امین آزادی