منطقه شرشر سراب ظرفیتی بالقوه برای گردشگری

آنا یوردوم ساراب حاقیندا

تانری گوزل خلق ایله ییب ایرانی

گول چیچگیله دولودور هریانی

جنته بنزردی آذربایجانی

ائل لر ایچینده اوجا باشدیر ائلیم

ایران اوزیک دیر اونا قاشدیر ائلیم

یاخشی نظر قیل بورا جان یوردودو

شانلی سارابدیر ساوالان یوردودو

بوزگوشیلن دالدالانان یوردودو

داش یازیلاردا یازیلیب وارلیغی

ایستی اورکده قازلیب وارلیغی

گورمه لی دیر شانلی اوجا داغلاری

یازدا چیچک له پئتیخان باغلاری

جنته بنزر بورا یاز چاغلاری

ایستی سولار بوردا جوشار قاینایار

داغ اتگینده قوزولار اوینایار

ایستی سولار نشانه دیر آلاها

آب گریمدیر،آلاحاق دیر بیر داها

جلده باخان،شالقون،آوارس اردها

جان باغیشلار یورقون لارا بو سولار

بو سولارا کیمسه دوشه ساغ قالار

گوزل تابلو چکیب تانری صحرادا

یاشیل چمن،آل چیچک لر دریادا

جیلوه له نیر اَن گوزللیک صومادا

چوخ گوزل دیر آغمییانین چوللری

محبت له سس لر بوتون ائللری

گزمه لی دیر قارا گولون اتگی

ایستی اولار بللی دی داغ اورگی

اوبا دوشر ساج دا یاپار چورگی

موتال شوری ساری یاغین بل له سی

دادلی اولار قازاندا قوچ کله سی

ساراب اهلی عزیزلی یَر قوناغی

گورمَلی دیر سارابین هر بوجاغی

شکر دَره، قوتلی قَیه آغ داغی

صفالی دیر همای آباد داغلاری

چای قیراغی شیروانجئغین باغلاری

میرَکی نین دربندی چوخ گوزلدیر

شر شر اوردا گوزللیک ده مثل دیر

ائل وارلیغی اوردا شعر دیر غزل دیر

گول لر آچار بولبول اوخور های ساراب

گوزل لیکده یوخدی سنه تای سراب