شعر ترکی از شاعر هنرمند سرابی در مورد حادثه “منا”

به گزارش صدای سراب متن این شعر به شرح زیر است:

 

ملل سازمانی باخار کور اولور

دوشرکن بیر گولون ساری یاپراغی

غم چوکر اینسانین آخار گوزونه

طبیعت اوزونده احساسلی اینسان

بیر قوشون اولمگین آلار اوزونه

***********************

دونیادا ملت لر توپلاشان یئرین

ملل سازمانی قویوبلار آدین

مین لر جه باخیشلار بو سازماندا

گوزله ییر دونیانین بوتون هر زادین

************************

یئر تیجی اینسانین ؛ قودوز حیوانین

ایچدیگی قان ایچون ،قانینی توکسون

ملل سازمانی جوشار ، چیغیرار

گویلر قولاغینین پرده سین جیرار

بیر اینسان آزالدی یئرین اوزونده

***********************

ایشیقلیق گئجه نین کوکون کسر کن

گونشین بایراغی گویده اَسر کن

ملل سازمانی طوفان قوپارار

بوغنتی باخیشلا کدر کوکوندن

هئچ کیمسه آنلامیر نه قایدا دیر بو

گئجه نین سهمینی ایسته ییر آلسین ؟

بیزیم ئولکه میزده بیر قا چاقچی یا

سویله سن قاشون وار گوزلرون اوسته

قولوندان یاپئشیب دوز یولا چکسون

ملل سازمانی بیر خورجون کیتاب

گوندَرَر دونیانین هر بوجاغینا

چیغیرار آزادلیـق تریبونیندان

یاشاییش ایرانــدا چتین لَشیبدیر

************************

سوریه قان ایچره اُود دوتوب یانیر

اوشاق سود یئرینه آنا دوشو ندَن

داخی لاختا لانمیش قانی قا نتاریر

گوزلرین یومار کن سینه سین جیریر

پوسگوریر زامانین قارا یوزونه

**************************

صهیونیست اَللری پارچا لاییرلار

فلسطین توپراغین یارالی اُؤ تَک

….U.S.Aآرمیلا بوملارین آتدا

داغیلیر تیفاغلار چاتداییر اورک

ملل سازمانی چکیر پرده نی

سیا نین قاریسی دوغور مین کلک

بیریسی داعش دی بیری طالبان

وحشی آری لار تک هئی وئریر پتک

***************************

یمن ده پناهسیز آرواد اوشاقلار

خوشه ای بوملارین اُودیلا یانیر

وهابی آ دیلا قان توکن زلی

بیر ائلین وارلیغین دیری کن دانیر

جان وئریر حسرتله کورپه اوشاقلار

دوداقلار چاتلاییر گوزلر ایسلانیر

گورسن اوشاقلار جان وئرن زامان

امنیت شوراسی باخیب اوتانیر ؟

مظلوم لار قلبینین آغیر دردینی

ملل سازمانی بیر چیمدیک قانیر؟؟؟

***********************

بلیشیر مین لرجه شرفلی اینسان

صنعا دا ، تعزده قیزیل قانینا

ملل سازمانی چیراغون سونسون

گورمیسن کیم سالیب یانار اودلاری

بؤگئنیش دؤنیا دا بشر جانینا ؟؟؟

************************

گورمیسن توپراقین قارا اؤزؤنده

یازیلیر قانینان اینسانین آدی

یوکسه لیر کولگونده کدر قالاسی

دوغرانیر گؤنشین قئزیل قانادی

***********************

چیسگینلی آدینلان بؤتؤن دؤنیادا

آزادلیق اؤزؤنه پرده چکیر لر

مظلوم لار قووریلیر زامان کؤزونده

اینسانلار قانینی یئرسیز توکور لر

*************************

بالانین سینه سین آنا دوشونده

قور قوشوم اُودیلا پارچالاییر لار

اینسانلیق قایغی سن چکن بشر لر

بشرین اؤزونه قان جا لاییر لار

***********************

آنمیشام دؤنیانین یانار کؤزونده

آزادلیق گؤللری آچمامیش سولور

بورؤیؤر هریانی کدر له چیسگین

اینسانین اُورگی قانیلان دولور

آزادلیق گولشنی تالانان زامان

ملل سازمانی باخار کور اولور !!!!!