کدخبر : 50465
شنبه ۱۵ مهر ۱۳۹۶ - ۱۲:۳۱
3 بازدید
فاقددیدگاه

بداهه ای زیبا از استاد نجفلو در شکوه از دزدی و اختلاس

اوغرولاردان بیر نجات

بار الها بیزلره بو اوغرولاردان بیر نجات
بس کمکلیگ ایتمه سن گر واردی هاردان بیر نجات؟

هانسی بیر اوغری توتولدی تاپدیلار تز جانشین
آیری بیر اوغرولاری ویر سن بولاردان بیر نجات

بیر بله جاسوس هایاندان وارد اولموش کشوره؟
سن عنایت ایت بو آلچاق دام دیواردان بیر نجات

گونده بیر مطلب گرکدور اختلاسدان چاپ اولا؟
بو یالان نشریه روزنامه نگاردان بیر نجات

گر بو سوزلر دوزدی بس حقه چاتانلار یوخلیوب؟
مسند اوسته اگلشن کوریله کاردان بیر نجات

بس نیه بیر عده ایمانین ساتیر اوز قارنینا؟
لطف ایله الله بوجور شام و ناهاردان بیر نجات

یا اوزون بو ملتی بیر دفعه لیک نا بود ایله
یا به حق کربلا لطف ایت بو داردان بیر نجات

بیلمور انسان اعتماد ایتسون کیمه بو دهریده
دوشدی اکثر خالقیمیز دا ی اعتباردان بیر نجات

ای امید بی پناهان ای خدای مهربان
داغ داشی بوشلا بیزه ویر سن هاماردان بیر نجات

بو نه ایشدور بار الها دوستوموز خائن چیخیب
ویر بو نا فرجام اولان باشسیز قماردان بیر نجات

رای ناحق ویرسه دیوان عدالت لا جرم
مقصده چاتماز یقین کی اَیری باردان بیر نجات

بو یازیق ملت نه نوعی گور قالیب گردابیده؟
صدمه گورموشلر یالان شعر و شعاردان. بیر نجات

اعتیاد دا بیر طرفدن آغزین آچمیش ملته
بیر نظاره ایله ویر بو زهر ماردان بیر نجات

ملت ایندی اکثر اولموش اهل عیال شرمنده سی
هی تو کز بان سسلنیر بو میر غفاردان بیر نجات

نعشه لر قوی اورتادا فیرلانسین عیب ایتمز ولی
خلقه لطف ایت گاه مست و گاه خماردان بیر نجات

ای نجفلو سن مریض و یاده کی دیوانه سن
ایسته الله دان سنه ویرسین آزاردان بیر نجات

چوخ اوزون گیتمه سوزونده واردی ایندی اوغروسی
هی دیمه الله منه ویر سن بولاردان بیر نجات

امتیاز:
اشتراک گذاری:
برچسب ها :
مطالب مرتبط
دیدگاه شما