طنز زیبا از استاد مهدی نجفلو به مناسبت روز پدر
- شناسه خبر: 45784
- تاریخ و زمان ارسال: 23 فروردین 1396 ساعت 15:37
- بازدید : 136 views
- نویسنده: modir
طنز
کیشی روز کیشی مبارک????
ظاهری خوش باطنی نالان کیشی
زیر معیشتده ویرن جان کیشی
اولمادی هیچ دردوه درمان کیشی
رنج و. مشققتده قارال یان کیشی
تز قوجالان جانوه قربان کیشی
بیر زامان ایشله گتیر آرواد یسین
پسته بادام گردکان هر زاد یسین
توک جیبینه آغزی دولی داد یسین
سینه ده اَل تابع فرمان کیشی
تز قوجالان جانوه قربان کیشی
عشقوی قلبینده بوغاندان سورا
بوینوی نازیله اوغاندان سورا
قوردا دونور تازه دوغاندان سورا
دردین اولور اوندا فراوان کیشی
تز قوجالان جانوه قربان کیشی
اولی اولادین ایله قند اولور
سر صداسی ایوده خوشایند اولور
باعث دلگرمی و لبخند اولور
ایلیوری بیتی چراغان کیشی
تز قوجالان جانوه قربان کیشی
باشلانوری تازه هله اصل کار
دوره گوروب ارواد اولور مثل مار
عقده لری بیر بیر اولار آشکار
هی دیه جکدور قوساسان قان کیشی
تز قوجالان جانوه قربان کیشی
ایله کی اولادی سالیرسان یولا
فکر ایلیورسن باشین آرام اولا
اوندا گوروسن کی ویروب قول قولا
سگیزی اولموش سنه مهمان کیشی
تز قوجالان جانوه قربان کیشی
اوندا گرک ایشلیه سن صبح و شام
یوخدی سنه چاره داخی والسلام
واجب اولوبدور قوناغا احترام
تاپمالیسان اولسادا هاردان کیشی
تز قوجالان جانوه قربان کیشی
اوندا خانم باخمیاجاخ ایش میشه
قیز گلینیله چیخاجاخ گردیشه
قینانالاردا گیدور آرایشه
آرواد اولور بیر دلی جیران کیشی
تز قوجالان جانوه قربان کیشی
سن اولوسان بیرجه سوموک بیر دری
یاغلانیر ارواد گتیرور پیسری
آلمالیسان مانتویلان روسری
سن قالیسان بیر دلی شیطان کیشی
تز قوجالان جانوه قربان کیشی
بس سن هاچان عمر ایده جکسن یازیخ
آخیر ایش اوسته ئوله جکسن یازیخ؟
هاردا داخی گون گوره جکسن یازیخ
عمری کچن دیده سی گریان کیشی
تز قوجالان جانوه قربان کیشی
بسدی نجفلو بو قَدَر آغلاما
روز پدر دور قاپوی باغلاما
شعریله خلقین اورگین داغلاما
آزدی داخی ایندی دوغوردان کیشی
تز قوجالان جانوه قربان کیشی
روز پدر مبارک مهدی نجفلو
بداهه طنز????