دهه فجر/شعری زیبا از استاد مهدی نجفلو با /با مضامینی زیبا از حضور رهبر انقلاب در مزار شهدا
- شناسه خبر: 42331
- تاریخ و زمان ارسال: 13 بهمن 1395 ساعت 15:57
- بازدید : 473 views
- نویسنده: modir
دهه ی فجر مبارک
خلق غیور کشور ایرانه مرحبا
بیر انقلاب ایدوبدوله جانانه مرحبا
جان ویردیلر بو مکتب قرانه مرحبا
اسلام یولوندا قانینه غلطانه مرحبا
خاک وطنده فصل زمستاندا لاله لر
باش قوزیوب. باش اگدیله گویدن ستاره لر
تبریک و تهنیت اچیلوب فجر انقلاب
قویدی قدم بو تپراقا فرزند بو تراب
سالدی ایشیق جهانه او رهبر چو افتاب
سرمست اولوب قدوم شریفیله شیخ و شاب
گلدی ازل سلام ایده رهبر شهید لره
اول گیدوب بهشت شهیدانه یکسره
ایستوردی بیز بیلک شهدانین مقامینی
تا حفظ ایدک یقین اولارین احترا مینی
درک ایلیک امامیمیزین دوز مرامینی
یاددان چیخاتمیاخ او بیورموش کلامینی
بو انقلاب زنده دی تا زنده دور شهید
ئولمز همیشه زنده و پاینده دور شهید
فرمایشات رهبر ی ایتسک چراغ راه
دنیا و اخرتده داخی اولماروخ تباه
بیر بیله ایش باشینداکیلار ایله مز گناه
مستضعفین بو جور باشی قالمازکی بی کلاه
بیت المالی حقوق ادینا توکمروک جیبه
کفگیر بودجه دیب قاشیماز چاتماروخ دیبه
ای مجری عدالت و قانون عدالت ایت
هر یانداسان کی خون شهیدی رعایت ایت
نفسین مقابلینده کیشی استقامت ایت
خودسردولانما .رهبرین امرین اطاعت ایت
اذو قه ی جماعت اولوب گور نجور گران
گویا ایدوبدی رهبر اسلامی ناگران
ایمانی ساتما میز ریاست هواسینه
ایمان گتیر بو خلق ضعیفون دعاسینه
خلقی ایاخلاما کیشی راییون بهاسینه
ایتمه فدا بهشتی جهانین صفا سینه
کسمه بو خلقی ایندی هاریجان باتیر دیشین
بیر گون یقین ایله دوشه جک ملته ایشین
ملت بو انقلابه اغیر بیر بها ویروب
نه بیر فدا که بلکه فدا بارها ویروب
چوخلار بو دینه خاطیر اوغول دست و پا ویروب
بو انقلاب بیر هدیه دی خلقه خدا ویروب
یاتما اویان گور ایندی اوزون بیر هایانداسان
خلقین مقابلنده بویوک امتحانداسان
بسدی نجفلو شکر ایله کی انقلابیسن
نه شرق و غربی راست و چپی .بو ترابیسن
غیرت مکانیسن بیلیرم چون سرابیسن
سن انقلاب شهیدلرینون دل کبابیسن
اولسون دیلونده ذکر شهیدانه مرحبا
خلق غیور کشور ایرانه مرحبا
مهدی نجفلو
سالروز پیروزی شکوهمند انقلاب و حلول دهه ی مبارک فجر را به ملت شریف و سربلند ایران اسلامی تبریک می گوید.
۱۳/۱۱/۹۵