جمعه, ۲۷ مرداد , ۱۳۹۶
16:27:50 - شنبه 27 خرد 1396
Print This Post داغ کن - کلوب دات کام Balatarin اشتراک گذاری در فیس بوک تویت کردن این مطلب
طنز/مهدی نجفلو از عبادت های ریایی و بی ریایی در شب قدر می گوید
طنز گونه 😜 باشلانیبدور گنه هیئتده بکَ یا الله خلق مشغول عبادتده بکَ یا الله اوخی  مسجد ده زیارتده بکَ یا الله چاتا جاخ داده  قیامتده بکَ یا الله شرط اولدی دیانتده بکَ یا الله قوی اجیندان ئولن ئولسون یا قیرلسین  سنه نه خشلمه پولاری  عالمده  کیشی  هر گلنه باخالار  شاید او دنیاده  جیبینده تومه […]

طنز گونه 😜

باشلانیبدور گنه هیئتده بکَ یا الله
خلق مشغول عبادتده بکَ یا الله
اوخی  مسجد ده زیارتده بکَ یا الله
چاتا جاخ داده  قیامتده بکَ یا الله
شرط اولدی دیانتده بکَ یا الله

قوی اجیندان ئولن ئولسون یا قیرلسین  سنه نه
خشلمه پولاری  عالمده  کیشی  هر گلنه
باخالار  شاید او دنیاده  جیبینده تومه نه
یکه  جیب تیکدیر اوغول ایه یازیلمیش کفنه

قویما  الدن چیخا  غربتده بکَ یا الله
شرط اولدی دیانتده بکَ یا الله

قیمتی چک یوخاری پولاری آل باس کیسیه
دو برابر کاسیبا اولمیانا سوخ نسیه
قاشین اوستونده گوزون واردی سنه کیمدی دیه؟
فقرانین  تاریسی واردی اگر  دورسا ییه؟

قوی دیسون وقت فلاکتده بکَ یا الله
شرط اولدی دیانتده بکَ یا الله

ایستیورسن چاتاسان مقصده قران اوخو سن
قرانی ایله سپر  خلقه اوتور تور  توخو سن
آزی محکم توت  اخیر ویرمه الیندن چوخو سن
آل ربا  ایله ریا  باشدان ایاقه  قوخو سن

یواجاخدور  سنی البتده بکَ یا الله
شرط اولدی دیانتده بکَ یا الله

سعی ایله مسجده گیتسن  صف اولده دایان
یوخیا قالما تلاش ایله کی وقتینده اویان
قویما اولده دایانسین  گوزلیم خلقی سویان
لازم اولسا پولا خاطیر ساواشیب قانه بویان

ذکر ایله  خلوت و جلوتده بکَ  یا الله
شرط اول دی دیانتده بکَ یا الله

یادیزا دوشسه گیدردیک هامی کتده تریه
شهریده بیز عوضینده گیدیروک بر بریه
پولوی سعی ایله گورستمه کیشی مشتریه
ویراجاخدور جیبوی  لاپ تیکه سنده دریه

دیه جک موقع سرقتده بکَ یا الله
شرط اولدی دیانتده بک یا الله

چوخی مومنلیرن اولموش گوروسن زبر و زرنگ
ایلیوب بعضیلری  اوغرولارا عرصه نی تنگ
اچوب اغزین چوخی بیت المالا مانند نهنگ
دولدوروب کیسه نی ایلور سورا دان قصد فرنگ

اوخویور موقع هجرتده بکَ یاالله
شرط اول دی دیانتده بک

ایندی مسجد ده گرک گوزلیه سن جیبلروی
بیلسه چوخلاری پولون واردی سویالار دریوی
چوخ ایشی گورمه اوغول سعی ایله یوم گوزلروی
اوزوی حفظ ایده سن چوخ سولاما  خنجروی

واردی تاثیری سلامتده بکَ یا الله
شرط اولدی  دیانتده بکَ یا الله

نیه بیردن بیره  خلقین عوض اولدی نظری
اولسا بد بین اگر اسلامه  اولار چوخ خطری
بو بلا یاندیراجاق  باور ایله خشک و تری
علمانین سوزونونده آزالیب دور  اثری

تک قالیب ایندی کتابتده بک  یا الله
شرط اولدی دیانتده بک یا الله

رحم و انصاف آزالیب  ظلم و جنایت چوخالیب
واجباتین چوخی الان گوروسن یرده قالیب
فقر  مطلق فقرانین چوخونون جانین آلیب
باهالیخ مملکتی  ملتی  لاپ درده  سالیب

اوخویور وارلی  عمارتده بکَ یا الله
شرط اول دی  دیانتده بکَ یا الله

ای (نجفلو) اگر اصلاح ایده هر کس اوز ایشین
دوز دوتا عالم دنیاده پیمبر روشین
یالقوزا یوخسولا گورستمیه دولتلی دیشین
اوغرولار چکسه له  بو خلقدن انجاق قمیشین

دوز اولار اوندا اطاعتده  بکَ یا الله
شرط اول دی دیانتده بکَ یا الله

# مهدی نجفلو

پسندیدن(4)نپسندیدن(0)

داغ کن - کلوب دات کام Balatarin اشتراک گذاری در فیس بوک تویت کردن این مطلب

آخرین اخبار
ويژه نامه
تعداد شماره ها: 71
  • دريافت
  • آرشيو